UMM ADIYYAH CHAPTER 79 BY AZIZA IDRIS GOMBE

   June 12, 2024  Leave a Comment on UMM ADIYYAH CHAPTER 79 BY AZIZA IDRIS GOMBE  Posted in UMM ADIYYAH COMPLETE BY AZIZA IDRIS GOMBE
Tura Zuwa: TwitterFacebookLinkedin

UMM ADIYYAH CHAPTER 79 BY AZIZA IDRIS GOMBE

Www.bankinhausanovels.com.ng 

daukeki cikin farin-ciki da komai, na kai mata

ke fuska a turbune da busasshen

hawaye? Mu je na gyara miki fuskar. “

“An ki din, ka daina min magana, na yi fushi.”

Ta fada a shagwabe.

Ta kara tsumewa hade da danno bakinta gaba.

“Kin san Zan iya sumbatarki tsawon

wuni guda, idan ba ki gyara bakin nan ba, zan

dauke shi a matsayin gayyata.”

“Ya Salaam! Yaya Zaid me ya shiga kanka ne

yau?”

“Sonki ne kawai.” Ya fada yana dariya.

“Don Allah ka mayar da ni gida.”

“Na ki din, a nan za mu kwana.”

Ba shiri ta sauke goyon hannunta da ta yi, sai

ga ta a kan gwiwowinta. Da sauri ya

sa hannu ya dagata.

“Umm Adiyya, lafiyarki kuwa2”

Kai ta gyada masa, “Kawai gida na ke so.”

Duk wata alamar raha ta bar fuskar Zaid, ya

gyada mata kai. “Shi kenan yanzu zan

maida ke, amma ki daina abinda ki ka yi
yanzu, kin ji?”
“To.” Ganin fuskarsa a daure ne, ya sa ta tsaya
a tsakiyar matakalar da suke sauka
yana kasanta da matakala biyu juyowa ya yi
wannan ya sa tsawonsu ya kusa zuwa
daya, duk da ya fita a hakan ma.
“Yaya dai?”
“Ka yi hakuri, ba wai ba na son mu zauna
bane, ba abinda na ke so irin
kasancewarmu tare, amma ana jiranmu, shi ya
sa ba na so mu dade a nan din, ka
ji?”
“Ba komai, na gane. Duk da dai na dakika
daya kin sa ni tunanin ko Zaid ya zamna
dodo ne.”
Da sauri ta girgiza kanta, sannan ta sa hannu ta
dafa kafadunsa, ba shi kadai ba har
ita ta bawa kanta mamakin abinda ta yi,
lokacin da ta sumbace shi. Tana dagowa ta
yi masa murmushi, ta wuce shi da sauri zuwa
kasa. Nan ta tafi ta bar shi yana
murmushi kamar zararre.
*************
BABI NA ARBA’IN DA TAKWAS
“A’a ki yi amfani da dayan.” Asma’ ta fada,
lokacin da ta matso gaban madubin tana
kallon shigen da Umm Adiyya ta yi.
“Adda ban son ya yi yawa, na fi son saukakke.
Siririn ba zai fi ba?” Ta fada tana
nuna wasu ‘yan kunnayen.
“Ke so ki ke yi ki je wurin, bakuwa ta fi
amarya kyau ko meye?” Shiru kawai Umm
Adiyya ta yi, ita ta san dalilinta na rashin son
sa wannan. Amma ba za ta fadawa
Adda Asma’ ba, don haka ta bari suka gama
shiryata, nan da nan ta dau kyau.
Ta shiryu a cikin kasaitacciyar Lifaya Peach
Colour da ya kara fito da kyan fatarta,
ya Kara mata armashi a kan kyanta na asli. Ta
Kara haskawa, dukkansu sun
kammala shirinsu, Wasu sun sa dogayen
riguna masu kayatarwa, masu mutumci
sun suturce jikinsu. Wasu kuwa a cikin abaya,

wasu a cikin lufayu. Sai da kowa ya

shirya, sannan Umm Adiyya ta shiga bangaren

Maami don ta yi mata sallama.

Saboda kamar yadda Zaid ya fada, shi zai kai

ta gidansa da kansa, haka Abba ya

fada shi ma ya ce daga wurin, duk hidimar da

za su je yi, ya wuce da matarsa

gidansa, shi ya gama nasa, ya kuma damka

masa ita amana, ita kuwa ce mata ya

yi.

“Dukkanku ku ne martabar gidan nan, duk

wacce ta wulakanta aurenta, ta ki bin

umarnin Allah, to tamkar ta zubar mana da

martaba ne.”

To ga kalaman Abba, ga kuma Maami tana

ganinta, ta sa Tissue tana goge gefen

idanunta, zuwa ta yi kan Maami kawai ta

rungumeta tana kokarin kar ta yi kuka,

amma sai da hawayen suka ci Karfinta.

Maamin ce ta daure ta tsayar da nata, ta ce.

“Bebina yanzu kam ki san fa kin girma, babuu

batun wasa, ki san zaman ibada ba

wasa bane, haka aljanna ba ta da arha. Ki rike

mijinki fiye da yadda ki ka ga na ke
yi. Allah Ya sanya albarka, ya kareku daga
dukkan wani sharri.”
“Ameen Ya Rabbi Maami, na gode sosai. Ba
abinda za mu iya fada, don mu godewa
irin tarbiyyar da ki ka ba mu, kuma Inshaa Al-
lahu ba zan sake watsa maku kasa a
idanu ba. Ki yafe min idan na bata miki rai, iya
zamanmu tare, saboda na samu
albarkar rayuwata ta gaba.”
Maami kam kara rungumeta ta yi sosai sannan
ta shafa bayanta. “Zubaida, ku dan
gyara mata fuskar, duk ta jika kwalliyar taku.”
Dariya suka fashe da shi, a tsakanin hawayen.
Haka dai aka dan kwaskware ta.
Suna tsakiyar hakan. Abba ya shigo falon.
“Wadannan har yanzu ba ku tafi ba?”
“Abba sauri ka ke yi na tafi?” Umm Adiyya ta
fada muryarta na rawa,
“To Hajiya famfo kukan ya isa haka.” Adda
Zubaida da Adda Asma’ suka fada a
tare, gaba daya jama’ar wurin suka sa dariya,
duk da hawayen daya ciko masu
idanu, bayan sun ga sallamar Maami da Umm
Adiyya.
Har falon Abba, Maami ta rako Umm Adiyya,
can suka tarar da Saadik, da su Faruk,
don haka aka hadu aka yi hoton ‘yan gidan
gaba daya, bayan an kammala hotunan
ne. Zaid ya je har gaban Abba, ya durkusa a
kan kafet.
“Lafiya dai Zaid?”
Shiru ya dan yi, sannan ya fara bayani, yana
kallon kasa “Abba, ban taba gode
maka kan abubuwan da kayi min na rayuwa
ba, saboda na daukeka a matsayin uba,
sai na dauka duk abinda ka ke min ka na yi ne,
don kai mahaifi ne gareni. Ka zamar
da ni mutum, a yau ina godiya akan duka wan-
can da ma kuma babban kyautar da
kayi min na damka min amanar Umm
Adiyyah.
Ya zamo lallai ne na kula da ita, na ba ta
dukkan kaunar da za ka ba ta har ma fiye
da haka, saboda ka dauki abinka ma fi muhim-
manci ka ba ni, ba zan taba daina
gode maku kan wannan ba, sai dai fatan Allah
ya biyaku da gidan aljanna. Ka tayani
addu’ar sauke nauyin da ke kaina da kuma rike
mana amanar Umm Adiyyah.”
Zuciyar Abba ta kumbura don dadi, wani mur-
mushi ya yi mai gamsarwa, sannan ya
ce. “Allah ya ba ku zaman lafiya da zuri’a
dayyaba wadanda za su jikanku fiye da
yadda ku ke mana, su yi maku biyayya mai
amfani har bayan rai.”
“Ameen Ya Rabbi.” Hannunsa Abba ya dauka
suka yi Musabaha, sannan ya kama
nasa hanun ya hada da na Umm Adiyya ya
juya don shi ma sai ya ji kwalla sun zo
masa.
Haka
dai aka rankaya har zuwa mota, inda
Zaid da Umm Adiyya suka shiga
motarsa. Salisu ke tukawa. Mashkura na
gefensa. Asma da 2Zunnurain ma haka, sai
Adda Zubaida ta tulelen cikinta, ita ma da Ba-
ban Walid. ‘Yan biyu ma motarsu suka
shiga, suka dauki Fatima da Mahmoud dinta a
motarsu. Ga kuma Takiyya da
Ahmad dinta suka shiga mota daya da Saudat
da Yaya Saadik.
Abin gwanin ban sha’awa
.
Tun da suka shiga mota, hannayensu na manne
da juna, “You’re beautiful.” Zaid ya
rada mata kasa-kasa lokacin da idanunsa suka
fada kanta, hakan ya sa Umm
Adiyya ta ji wani dadi yana ratsata.
Ga kuma dadin amanarta da ya dauka gaban
duniya da kuma Abbanta. Kallon
shigarsa ta yi cikin babbar riga da ‘yar ciki da
aka yi ma gajeren hannu mai fadi,
wuyar rigar an mata yankar W, ga aikin hannu
da garen ya sha, sannan ya hada da
hular da ta shiga da ita, sai kamshi yake yi mai
sanyaya rai. Nasa kalar kayan ruwan
kwai, wanda launin banbancinsa kadan ne, da
kayan da suke jikinta, sai dai nata da
ya fi haske, saboda kasancewarsa na mata.
“Kai ma ka yi kyau fiye da kullum, kuma ina
alfaharin kasancewa taka sannan kaima
kuma nawa.” Ta fada kasa-kasa.
“Har gaban Abada Inshaa Allah.”
“Muna jinku dai.” Salisu ya daga murya ya
fada. Mashkura ko ta gimtse dariyarta.
Dai-dai lokacin da Zaid ya ce, “Idan ka sake
hannun Mash, sai ka min magana.”
Ba shiri Salisu ya kalli gabansa ya gyara zama,
ko kadan bai san Zaid ya kula da su
ba. Ai Dariyar da Mashkura take gimtsewa,
tuni ya fito. Umm Adiyya ta tayata.
Saboda Zaid dai ya kula, wai Salisu ya sa masa
idanu.
“Ka yi tukin da ke gabanka, ka toshe kun-
nuwanka, ko na maida ku, mu tafi mu kadai
abin mu.”
“An ki din, aka yi haka sai gobe mu ganku a
Venue, yanzu ma yaya ku ka kare.”
Umm Adiyya kam kamar ta nutse cikin kasa
don kunya, wannan ya sa ta koma can
jikin kofa ta mannu.
Zaid sai aikin aikawa Salisu harara yake yi.
“Ba na dai ganinka Malam.” Salisu ya fada,
yana leken Zaid ta madubin kallon baya.
Haka har suka isa dakin taron da za a gabatar
da wannan kayatacciyar walima da
Zaid Abdur-Rahman ya shiryawa amaryarsa
Umm Adiyya Zubair, farin-ciki cike da
zukatansu.
Suna tsayawa, sai da suka dan bata lokaci a
mota, saboda su saurari jiran wasu
bakin kafin su shiga ciki, yanzu kam dole Sal
isu suka fice suka bar masu motar.
Dago idanu ta yi ta dube shi, bayan ya sa
hannu ya cire, yana rike a hannunsa.
“Kin san dai zai takura min ko?”
“Sorry, ba ni bace, su Adda Asma’ ne suka
dage sai na sa wannan.” Tun ba yau ba
ta san ba inda Zaid ya fi so, irin kasan kun-
nenta, don haka ne kullum simple dan
kunnaye take sawa, ga shi yau ta yi laifi.
Ki tafi da daya.”
Zaro idanu ta yi, “Lufaya ne fa, mutane za su
gane dan kunne daya na sanya.”
Cusa dayan ya yi aljihunsa na ciki.

Leave a Reply

Your email address will not be published. Required fields are marked *