UMM ADIYYAH CHAPTER 92 BY AZIZA IDRIS GOMBE
Www.bankinhausanovels.com.ng zogin da ke cikin kirjinta ya ragu.
****k*********
BABI NA HAMSIN DA HUDU
Washegari yana dawowa daga wurin aiki, ta
tarbe shi cikin kyakkyawar shiga da
fara’a a fuskarta kamar ba abinda ya faru a
jiyan.
“Hmm! Me ake shirya mana a gidan, sai
kamshi tun daga waje?”
Murmushi ta yi ta ce, “Surprise ne, ka kimtsa
kafin nan.” Daidai lokacin yaran suka
shigo kicin din da gudu kowa yana *Abbie!
Abbie!! Dukansu ya daga sama yana
masu cakulkuli. “Ehhhm! Waye ne wannan?
Mr. Chubby da Mr Chubbilee.”
Kyalkyalewa suka yi da dariya.
“Ku tafi ku ba ni wuri, na karasa aiki na, kun
cika min kunne.” Umm Adiyya ta fada
tana korarsu da matsamin hannunta.
“An fasa mana rakiyar ne?” Zaid ya fada,
lokacin da Saalim yake kokarin dare
saman kansa.
“Haba, Noorie, yanzu kam dai su Aslam sun
girma, yaushe zan yi ta raka ku aski?”
“Za mu je coldstone daga can.” Ya fada cikin
Son ya canza mata ra’ayi, ya san ba
wanda ya kai ta dokin zuwa aski saboda za aje
shan (Ice Cream) mai Cereal. Amma
yanzu saboda abin da ya faru jiya, ya kula da
ba ta gama sakin jikinta ba, yanzu
burinsa ya mantar da ita wannan.
“Oya, Aslamayn, Let’s beg Ammie.”
Nan da nan yaran suka fara kwabe fuska ta
koma ta tausayi. “Pleash Ammie. Pleash
pleash…”
Dariya ta yi ta kada kanta kawai. “Okay, ku
bari na gama nan da minti sha biyar, sai
mu tafi. Inshaa Allah.”
“Aha! Thank you Ammie.” Ya sa hannu
dauki Carrot daya cikin wanda ta yanka,
ya
ya kai baki.
“Shuu! Ku fita kar ku cinye min abubuwa na.”
Cikin wata doguwar riga nmai rubin Lace,
ruwan kanwa ta shirya ta yi hadi da gyale
mai ruwan kasa, wanda ya shiga da
takalmanta. Sannan ta dauko fosanta. Zaid kam
tunda ta sauko ya shiririce a kallonta. Har sai
da ta ce “Mu tafi?”
Gyarar murya ya yi ya ce, “Mu tafi.”
Suna tafe yana ta hira da yaransa, can ya du-
beta ya ce, “Kin yi shiru da yawa
Twinkle, a fada min me ake tunani?”
“Babu.”
“Ki na kashe min jiki.” Ya fada a raunane.
Dariya ta yi sosai sannan ta ce, “Da gaske
babu.” Duk da kuwa akwai kyallin
hawaye a idanunta.
“Kinyi kyau.” Ya fada daga sama.
Murmushi ta yi ta ce, “Na gode.”
************
Suna fitowa daga shagon aski, suka wuce (Cold
Stone) ita ta shiga saya. Zaid kuma
ya zauna tare da yaran, tana fitowa ta gansu a
tsaye a waje, sai dai idanunta suna
fadawa kan matar da ke tsaye a gefensu ne, ta
ji wani kulli a cikinta.
Hucin numfashi ta sauke, sannan ta isa garesu,
sai da ta iso ne ta kula da mutumin
da yake nufo su.
“Ina wuni?” Matar ta dagawa Umm Adiyya
gaisuwa, sai lokacin ta kalleta da kyau.
“Lafiya.
“Na ga Twins yau kam. Allah ya raya ya
dayyaba mana.”
Yake Umm Adiyya ta yi ta ce. “Ameen, mun
gode.” Sannan ta kama hannun Saalimn
ta bude kofar baya ta saka shi a ciki. Aslam na
hannun Zaid, ta zagaya ta budee
motar ta zauna. Mutumin da ta hango yana
nufo su ne ya tsaya a gefensu.
“Habib, ka ga Yayana da na ke ba ka
labarinsa?”
Nan dai Umm Adiyya ta ga mutumin yana
fara’a, ba ta san me suke cewa ba,
saboda ta gama cika ta kule wani suka take ji a
Kirjinta. Ba ta san ma lokacin da
Zaid ya shigo motar ba, wani duru-duru take
gani.
“Are
you alright?” Muryarsa ta ji ya tamn-
bayeta.
Murmushi ta masa, “Me ka gani?”
“Fareeha na yi miki bankwana, ba ki ce komai
ba.”
“Oh! Ai da ka gargadeni duk inda muka shiga
a gari, zan rinka gamuwa da ‘yan matanka da na
shirya yin sallama da su, a duk inda na gansu.”
Juyawa ya yi ya kalli yaran, kowa na fama da
sweet dinsa, “Please!” Zaid ya fada
cikin cije hakoransa, bai yi tsammanin jin
hakan daga gareta ba, wannan ya sa yaji
zafin kalamanta.
Juya idanunta ta yi ta mayar da kanta gefe tana
kallon wajen motar, wasu hawaye
masu dumi suna gangara a fuskarta.
“Kin san waye mutumin da ya zo muka gaisa?”
Ina ruwana da shi, ni ba na kallon mazan mu-
tane.”
To mijin Fareeha ne, kuma ta kira shi
mu
gaisa ta fada masa dalilin da ya sa ta bar
rayuwarta ta baya, bayan ta hadu da wani
bawan Allah da ya fada mata gaskiya, shi
ne ya tsaya ya mana godiya. Amma sam ke tu-
naninki ya tafi wani wuri ko amsa
maganarsa ma ba ki yi ba.”
“Uhm! Ka yi Sadakatul-Jariya. Allah bada
lada.”
Murmushi ya yi, ya girgiza kansa. Sannan ya
tada motar suka bar wurin, ya san duk
bayanin da zai mata a lokacin, ba za ta fahimce
shi ba, abin ne ya hadu ga jiya ga
yau.
Kwanaki biyu dai suna ‘yar sama-sama a gi-
dan, kafin ranar Laraba ta shigo dakin sa
da safe.
Yana daura nektayil dinsa ta shiga, “An gama
fushin ne ko yajin ne zan ce Hajiya?”
Kunya ta ji ta saukar da idanunta, “Ba yaji
bane, ina hucewa ne.”
Juyowa ya yi ya dubeta, ya sake jelar nektayil
din yana rito ba tare da ya daura ba,
rikota ya yi kusa da shi sannan ya ce, “To
sannu tukunya mai tururi. Yanzu kin
sauko kenan?”
Kai ta gyada masa, “Yi hakuri, da ban zarge
ka akan abinda ba laifinka ba, kawai dai
raina ne ya dagule da na sake ganinku tare.”
“Amma kin san nmijinki ya wuce nan ko?”
Hannu ta sa tana gyara masa Nektayil din
nasa, sannan ta shafa shi, ya kwanta da
kyau. “Na sani, har ma fiye.”
Da kyau, hakan na ke son ji. Nayi kewar
Twinkle dina. A rinka sassautawa bawan
Allah wannan fushin. Ki na dagula min al’a-
mura ke ba ki sani ba ko?”
Ture kafadarsa ta yi, “Kamar wani kai din sal-
ihi ne.”
“A’uzubillahi-Minashshaydaani-Rarajeem…”
Bakin sa ya rike yana dariya, “Wato
kama na ke yi da salihin kenan. Ba shi bane
ko?”
“Sau nawa ka na buga min zuciya, salihai ai ba
sa haka.”
Okay, ki jira ki ga Dangaren Anti-salihina, ki
ga ikon Allah.”
“Don Allah ni ban roka ba, ayi min hakuri. Na
tuba.”
‘Kin ci sa’a na hakura. Sannan Faruk ya min
magana.”
Kallonsa ta yi cikin rashin fahimtar zancensa.
“Kamar wani lokaci da dadewa kin ce
min zai yi min magana.”<
/div>
“Oh, Oh! Sai yanzu ya yi maka maganar?”
Dariya Zaid ya yi, “Me ki ke tsammanini?
Faruk ne fa.”
“To, yaya?” Ta tambaya cike da dokin jin am-
sar Zaid akan batun. Ya ji dadin ganin
tana zumudin hira da shi, wanda tun kwanaki
biyu da suka wuce ake masa rowa.
“Na ce ya je ya sameta su yi magana tukun,
sannan koma meye ne sai ayi magana
daga baya. Na fada a gida.”
“Mashaa Allah. Allah Ya sanya alkhairi.”
“Kin san Faruk da naci, bai yi magana da wuri
ba, amma tunda ya fada min waya
kan waya har ina tausayin ita kuma yarinyar,
wane hali take ciki sai Allah.”
“Idan ya yi ma bai yi karambani ba ai.” Umm
Adiyya ta fada tana kallon Zaid ta gefen
idanu,
Kura mata idanu ya yi, ya bi ta da wani
kasalallen murmushi, “Oh abin ma gori ne
kenan.”
“Ni dai ban ce ba.”
“Don na taimakemu? Idan an biye ta, ta ki Al-
lah kadai ya san yanzu me yake faruwa,
gwamma kar ma a kwatanta.”
“Ba zan taba canza zabina da komai a duniya
ba. Alhamdulillah! Hannunta ta sa
cikin nasa ta sargafe, hade da kwantar da kanta
a jikin kafadarsa.
Kanta ya sumbata. Sannan ya ce, “Mu je ki ba
ni abinci zan makara.”
“An yi, an gama Yallabai.”
Sauka ta yi ta shirya masa komai kan tebur,
lokacin da ya sauko har ya fara cin
abincin ne ta ce, “Noorie, ina da wani bazata.”
Bazata, wa waye?”
“Wa kai, amma sai ka min wata alfarma.”
“Ban gane wannan wane irin abu bane, ni za
ayi wa surprise din, ni ne mai kuma yin
alfarmar?”
Dariya ta yi ta ce, “Ba wani abu bane babba,
kawai izinin fita za ka yi min shi kenan.”
Kallonta ya yi yana auna zancenta kafin ya ce,
“Shi kenan an miki.”
Murmushi ta yi masa, sannan ta ce, “Na gode.”
****k ***** ****
Bayan kwanaki biyu da yin maganarsu. Zaid yana
tsakiyar aiki a office, wayar
Intercom dinsa ta yi kara. “Stella?”
“Uhm, Sir, Mr. Femi ya kira batun Consultant
din…”
“Okay, yes mun yi maganar. Da wuri zamu
kammala, don haka duk wanda ya zo
kawai minti sha biyar, za mu gama magana.”
“Ya ce sun iso ma.”
“Okay, shigo da su ciki. A basu duk abunda